Monday, 26 January 2009

كشري مصر



لست من هواة القصص القصيرة, فأنا احد عشاق الروايات
رواية ممتعة مهما كانت طويلة كفيلة بأن تأخذني الى عالم ساحر...اعيش مع الرواية واحداثها وابطالها بكل جوارحي وحواسي
قد اضحك معهم....قد ابكي منهم او من اجلهم
الا ان هذا الكتاب كسر القاعدة
كشري مصر
قصص قصيرة
حسن كمال
اسم الكتاب شدني....ماهو الكتاب بيبان من عنوانه....والظاهر كدة والله اعلم اني كنت جائع وانا في دار الشروق ابحث عن كتاب جديد التهمه
والظاهر ان الكتاب دة حقق نظرية 2 في 1.....كتاب للقراءة وكشري للأكل
واشتريت الكتاب....والحقيقة انا اشتريته لأني لم اجد كتاب أخر يشدني لشرائه..خاصة اني لست من هواة القصص القصيرة
وركنت الكتاب على الرف....ولم اتحمس لقراءته في البداية, لحد ما قلت لنفسي في ساعة زهق يوم اجازة اني اخد فكرة عن الكتاب دة
والحقيقة ان الفكرة تطورت لأني التهمت الكتاب دة وكان نفسي اطلب (كمالة) كمان
قصص قصيرة مختلفة عن اي قصص قصيرة قرأتها قبل كدة
طريقة سرد ممتعة....غير مملة على الأطلاق
قصص ذات افكار مبتكرة تماما.....القصة تنتهي من حيث لا تتخيل ولا يمكن ان تتوقع
القصة بمجرد ان تنتهي من قراءتها تحتاج ان تقرءها مرة ثانية علشان تفوق من الصدمة الأولى
الكتاب يحتوي على 19 قصة قصيرة..تتنوع موضوعاتها مابين اجتماعية و ساخرة و انسانية ونفسية
لا تستطيع بسبب تفرد كل قصة في الكتاب ان تحدد ايهم الأفضل او الأجمل او الأمتع
فكل قصة من القصص ال 19 تتميز بخصوصيتها الشديدة وتفرد موضوعها وربما غرابته واختلافه الشديد عن بقية القصص....وهو دة السبب في انك لن تستطيع الا ان تقرأ الكتاب دة على مرة واحدة....كله على بعضه....مش هتستحمل تسيب الكتاب دة قبل ما تقرأه من الجلدة للجلدة
بعد ما انتهيت من قراءة او التهام (كشري مصر) اكتشفت ان الكتاب دة فعلا عامل دوشة وهيصة كبيرة
دخلت على جروب (كشري مصر) على الفيس بووك واكتشفت ما يلي:
قصة (دفاع غير شرعي عن النفس)...احدى القصص الجميلة داخل الكتاب هي الفائزة بجائزة مسابقة ساقية الصاوي لعام 2008
كتاب (كشري مصر) في قائمة اكثر الكتب مبيعا في الكتب خان
المركز الأول في قائمة اكثر الكتب مبيعا على موقع نفسك.كوم
تم صدور الطبعة الثالثة من الكتاب في اواخر
2008
كتاب (كشري مصر) صادر عن دار النشر (بوك هاوس).....صدرت الطبعة الأولى في سبتمبر 2008
الكتاب يتكون من 160 صفحة من الحجم المتوسط.....سعر النسخة 15 جنيها (سعر البيع بمكتبة دار الشروق)...19 قصة قصيرة
كتاب ممتع....قصص جديدة مثيرة ممتعة......اقتنوه
اضغط هنا للأنضمام للجروب ع الفيس بووك

15 comments:

  1. هو انا اول تعلي قولا ايه يا جدعااااااااااان

    ReplyDelete
  2. اولا مبرووووووووووووك
    وادى زغروطة عشان المدونة
    لولولولولولولى

    مبررررررررروك يا احمد
    مبروك يا بسمة وولوانى لسه معرفكيش
    على المدوهنة
    المفروض ليا الحلاوة ولا ايه
    ومفروض تكتبو بوست كامل عنى وعن انجازاتى
    ولا ايه
    مدونة جميلة
    وعلى فكرة الفكرة حلوة يا احمد عارف ليه
    لان فيه ناس نفسها تبقا مثقفة زى حاالتى لاكن مش بيستهوينى الكتاب اوى
    كدة هاجى اقرا اخر حاجة نزلت واكون اتثقفت عندكو ببلاش
    المهم انا عايزة الحلاوة وفين البيبسى
    ايه ده بقه

    ReplyDelete
  3. بصراحة انا لسه مقرتش الموضوع لان امتحانى بكرة
    انا قولت ابارك الاؤل وبعد كدة اخلص امتحانى واجى اقرا براحتى
    مااااااااااااااشى
    وابقو شيلو كلمات التاكيد دى عشان بتجننى
    سلالالالالام ومبروك

    ReplyDelete
  4. الفكرة كويسه يا احمد
    وربنا يوفقك
    بسمة من الشخصيات الجميلة ونشيطة جدا فى عملها
    ربنا يوفقكو

    ReplyDelete
  5. مبروك على المدونة يا سيدي على المدونة وعلى قراءة الكتاب
    الكتاب بالفعل ملفت للنظر وجميل .. أنا قرأته مؤخرًا وعجبني ..

    أتمنى قريب اسمع عن رأيك بكتابي لما يصدر .. :)

    تحياتي
    أحمد رمضان

    ReplyDelete
  6. واضح ان الكتاب رائع بحق من اسلوبك يا اخى .
    و بعد كل هذا الوصف والتشويق عن الكتاب سأقتنيه واقرأه بالطبع .
    شكرا لك على هذه النبذه الهامه عن كتاب بهذه الاهميه .
    فما اجمل الروايات والقصص القصيرة إلى نفسى :)
    تحيتى لك ولشخصك الكريم :)

    ReplyDelete
  7. شوقتنى اقرا الكتاب على فكرة
    هوصلها
    :))

    سلامى والف مبروك

    ReplyDelete
  8. This comment has been removed by the author.

    ReplyDelete
  9. أولا مبارك المدونة الجميلة، سلم تفكيرك واختيارك
    ثانيا، قرأت تعليقك على الكتاب وأحيي طريقة تناولك له ولموضوعاته ولعرض جميع المعلومات المتعلقة به
    وأخيرا وليس بآخر استمر في امتاعنا بما تقرأ وشكرا لك

    هبة سلامة
    بوك هاوس

    ReplyDelete
  10. اول مرى اعدى عليكم هنا فكرة بلوج تحفة فعلا
    هترضو ناس مثقفين كتير
    اتمنالكم التوفيق
    ___________________________
    اقرا اخر بوست(مين بيحب ربنا؟) يا جماعة البوست للى بيحبو ربنا فقط اللى غير كدة لا
    _________________________________
    ادخلو مصطبتى التانية لوحة شرف
    مدونة لكل من دون فابدع
    هتلاقوا اللينك فى مدونتى

    ReplyDelete
  11. السلام عليكم، أنا أمثل الدار العربية للكتاب تونس كيف يمكن لنا أن نتصل ببوك هاوس للنشر و التوزيع؟؟
    شكرا

    ReplyDelete
  12. السلام عليكم، أنا أمثل الدار العربية للكتاب تونس. كيف يمكن لنا الاتصال ب بوك هاوس للنشر و التوزيع ؟؟؟
    شكرا

    ReplyDelete
  13. السلام عليكم، أتا أمثل الدار العربية للكتاب، كيف يمكن لي أن أتصل ببوك هاوس للطباعة و النشر و التوزيع. شكرا

    ReplyDelete
  14. بوك هاوس للنشر والتوزيع

    العنوان : 5 ش حافظ رمضان.أبراج العمار بلازا
    م.عبيد - مدينة نصر - القاهرة- مصر
    تليفون : 22707101
    فاكس : 22707101 - 22738630

    ReplyDelete
  15. This comment has been removed by the author.

    ReplyDelete